Gedicht Ueli

Wärti Führwehrkameradinne
Wärti Führwehrkamerade

Rächt härzlich möcht ig euch begriesse
dir miessts hüt unbedingt no einisch gniesse
üse Höck, wo mir au Johr im Jänner hei,
wo mir chöi suffe und frässe solang mer wei.

Aber leider wüsse mir nid, öb das so witergoht..
heit dirs scho ghört, dass e angere Kdt afoht?
Do weiss no niemer, wie dä das wot mache
ig ha scho ghört, är isch würklich e Drache.
Aber, ig säge immer, vom ghöre säge lersch lüge
das cha euses Büud vom Neu schö rächt betrüge.

Drum warte mir jetz e mou ab und luege
was dä Neu überhaupt bi eus wot sueche.
Ig weiss jetz scho, dä wird’s nid eifach ha mit eus,
denn mir wüsse jo alles und sy gar nid für Neus.

Aber jetz öbbis angers!

Wär könnt dä do uf däm Büud?
Isch das äch e Find oder äch e Fründ?
Wartet, ig due ne no einisch gnauer unger d’Lupe näh
do weisch nie, viellicht muess ig mi bi ihm no benäh.

Momant, jetz chunnts mir glaubenig wieder i Sinn,
isch das nid dr John Lennon mit däm runde Brülle-Ding?
Nei, nei, dä isch jo scho lang unger dr Ärde am singe,
i däm chönnt ig jo gar keis Blüemli meh bringe.

Aber hei ei ei, wäm isch äch au die Orchidee, won ig do ha?
Jetz han is! Het eine do inne no so ne rundi Brülle a?
Hm, nei, ig gseh niemer, was muess ig au nume mache?
I weiss !!… ig gibe se eifach im neu Drache.

Wartet, jetz han ig grad es Gsicht gseh do inne
wo mi doch es bizzeli a alt Kdt duet bsinne.
Dänket doch eifach a ne Maa mit meh Faute,
de döi mir doch dr Ueli im Gedächtnis bhaute.

Mo, mou, wem e lang luegt, fingt me scho en Ähnlichkeit
d’John Lennon Brülle?.... die isch äuä scho verheit.
Drum chunsch haut du die Hüchlerstude über,
ig weiss vom Nochbur, du freusch di sicher do drüber.

Aber, jetz chan ig doch nid eso sy
jetz muess ig no bim Drache verby,
ihm doch au so ne Stude go bringe,
anstatt es Versöhnigsliedli singe.

Vo jetz a darf ig dir nümme Drache säge
süsch chum ig i Teufels Chuchi derwäge
Drum döi mir eus doch schnäu vom Alt verabschiede;
de cha eus dr Neu sine neue Sache beschriebe.

Ueli, du bisch dä Ma won ig doch sueche
drum wott igs bi dir no einisch versueche.
Mir hei eus lang überleit, was mir dir söue schänke
do derby hei mir a dis Läbe mit eus miesse dänke.

Mit em Schoggi hesch du scho immer kämpft
drum hey mir a Rundi nach Feng Shui dänkt.
Kes einzigs Eggeli isch a däm Schoggi dra.
De chasch en au besser uf dr Zunge la vergah.

Für das as du eus johrelang hesch ghetzt und triebe
dänke nig, das söi dir doch länge um d‘Zyt z’vertriebe.
Nei, so hert chöi mir mit dir doch nid sy;
wüu mir jo genau wüsse, wie du zu eus bisch gsy.
Lieb und zuvorkommend, a das döi mir hüt nume dänke
drum wei mir dir doch no es angers Adänke schänke.

Es Fotiaubum hey mir für di gmacht
Auso, würklich, es isch e volli Pracht.
Merci vüumou, was du für eus und für d’Tela do hesch
Ueli, du bisch und bliebsch für immer und ewig üse Bescht.


Merci vüumou für aus !